1. Imtihonda ishtirok etish shartlari
Imtihonga ro’yxadan o’tish, Internet sahifalarida ko’rsatilgan sanada onlayn amalga oshiriladi. Ro’yxatdan o’tish faqatgina mavjud joy uchun amalga oshiriladi. Imtihon sanasi va unda ishtirok etish to’g’risidagi so’ngi qarorni O’zbekistondagi Gyote-Institut qabul qiladi.
Imtihonda/imtihon qismlarida faqatgina bir oyda birmarta ishtirok etish imkoniyati mavjud.
Imtihon vaqtida mobil telefon, fotoapparat, mikrofon va boshka elektron qurilma va yordamchi vositalardan foydalanish taqiqlanadi. Imtihon xonasiga noqonuniy tarzda mobil telefon olib kirgan imtihon ishtirokchisi imtihondan chetlatiladi.
2. Narxlar
Saytda ko’rsatilgan narxlar va chegirma shartlari faqatgina ro’yxatdan o’tish davridagina amal qiladi.
3. To’lov shartlari
3.1. Imtihon uchun to’liq to’lov ro’yxatdan o’tilgandan keyin 24 soatdan kechiktirilmagan holatda, onlayn kredit karta yoki bank o’tkazmalari orqali amalga oshirishingiz kerak. Agar to’lov ko’rsatilgan muddatda amalga oshmasa, imtihon uchun egallangan joy bekor qilinadi.
3.2. Agar xato yoki ortiqcha to'lov amalga oshirilsa (shu jumladan, lekin faqat shu bilan cheklanmagan: bir kurs uchun ikki marta to’lov qilinishi, til kursi va/yoki imtihonga oldindan ro‘yxatdan o‘tmasdan to‘lov amalga oshirilishi, to‘lov miqdoridan ko’proq pul o‘tkazish), o'tkazilgan mablag‘ to’lov summasidan 5% miqdorda ma'muriy to'lov undirilgan holda qaytariladi.
Ushbu to‘lov noto‘g‘ri pul o‘tkazmalarini aniqlash, ko‘rib chiqish va qaytarish bilan bog‘liq ma’muriy xarajatlarni qoplash uchun undiriladi.
4. Imtihonni bekor qilish
Imtihon ishtirokchilari imtihonni bekor qilish/tark etish huquqiga ega. Bunday hollarda, huddi imtihondan chetlashtirilgani kabi imtihon to‘lovi qaytarib berilmaydi va imtihon topshirilmagan deb hisoblanadi.
Imtihon qatnashuvchisi imtihonga kasallik sababli kelmagan taqdirda, yozma tibbiy tasdiqnoma taqdim etishi kerak, shundagina imtihon uchun to’lov to’liq qaytarib beriladi.
Imtihonni rad etish/bekor qilish uchun SLZ-Andijan imtihonlar bo’limi xodimlariga elektron manzil orqali yozma ravishda xabar yuborilishi shart. Bu faqat 24 soat imtihon boshlanishidan oldingina mumkin. Voyaga yetmagan qatnashuvchiarga imtihonni bekor qilish uchun qonuniy vasiylarining yozma roziligi talab qilinadi.
Imtihon bekor qilingan taqdirda imtihon uchun to’langan puldan 20% ma’muriy to’lov undirilib, qolgan qismi qaytarib beriladi. Imtihon boshlangandan so’ng, to‘lovni qaytarib olish mumkin emas. To’lovni kartaga qaytarish yoki bank hisob raqamiga o’tkazish uchun, imtihon bo’limiga quydagi ma’lumotlarni elektron pochta orqali yuborish kerak:
Shaxni tasdiqlovchi hujjat va bank ma’lumotlari. Kartaga yoki bank hisob raqamiga pul mablag’larini qaytarish o’ttiz kun ichida amalga oshiriladi.
Imtihon SLZ-Andijan Berlin Zentrum tomonidan bekor qilingan taqdirga, imtihon uchun to’langan to’lov to’liq qaytariladi.
5. Imtihon natijalari
Imtihon natijalari odatda imtihondan 14 ish kuni o’tgandan so’ng e’lon qilinadi. Tashkiliy sabablarga ko’ra kechiktirilishi mumkin.
Imtihondan oldin imtihon qatnashchilari tasdiqnomada ko’rsatilgan ro’yxatdan o’tish ma’lumotlar: ism familiya tug’ilgan sana va joylarini tekshirib chiqishlari kerak va xatolik aniqlanganda zudlik bilan bu haqida SLZ-Andijan Berlin Zentrum imtihon bo’limi xodimlariga elektron pochta orqali o’z vaqtida xabar berishlari shart. Shaxsiy ma’lumotlar tuzatilgan yangi sertifikat berish pullik xizmat hisoblanadi.
Nomzodlar o’z sertifikatlarini qabul qilishlari uchun shaxsni tasdiqlovchi hujjat taqdim qilishlari kerak.
6. Qayta tiklangan (dublikat) sertifikat
Sertifikat yo’qolgan taqdirda, imtihon topshirilgandan keyin 10 yil muddat ichida to’lov evaziga qayta tiklab berilishi mummkin. Hujjat(dublikat)ni qayta tiklash pullik xizmat hisoblanadi.
7. Shaxsga oid ma’lumotlarni muhofaza qilish
Imtihon topshiruvchi bilan tuzilgan shartnomani bajarish maqsadida, shuningdek taqdim etilgan ma’lumotlarni himoya qilishga va va huquqiy ruxsat doirasida O’zbekistondagi Gyote Instituti imtihon topshiruvchi haqidagi ma’lumotlarni to’playdi, qayta ishlatadi va ulardan foydalanadi.
8. Boshqalar
Agar ushbu umumiy qoidalar va shartlarning qismlari yoki alohida formulalari haqiqiy bo'lmasa, qolgan qismlarning mazmuni va haqiqiyligi o'zgarishsiz qoladi. Ushbu umumiy qoidalar va shartlarning nemis, rus va o'zbek tillaridagi versiyalari o'rtasida har qanday tafovut mavjud bo'lsa, nemis tilidagi versiya qo'llaniladi. Imtihonlarni o 'tkazishning umumiy qoidalari va shartlarining ushbu versiyasi amal qiladi va qoida tariqasida, SLZ-Andijan Berlin Zentrum veb-saytida e’lon qilinadi.
Gyote-institut O’zbekiston imtihonlarning umumiy qoidalari va shartlariga o'zgartirish kiritish huquqini O’zida saqlab qoladi.
