Vitamin de — bu Gyote-Institut tomonidan chop etiladigan, nemis tilini yangi o‘rganayotgan yoshlar uchun mo‘ljallangan o‘ziga xos jurnal. Unda Germaniya madaniyati, yoshlarga oid dolzarb mavzular, ta’lim imkoniyatlari, intervyular, qiziqarli faktlar va til o‘rganishga doir topshiriqlar jamlangan.

Bu jurnal orqali siz nafaqat til o‘rganasiz, balki Germaniyadagi hayot tarzi va jamiyat haqida ham kengroq ma’lumotga ega bo‘lasiz. Jurnal oson tilda yozilgan bo‘lib, o‘quvchilarni ilhomlantirish va ularni til o‘rganishda rag‘batlantirishni maqsad qiladi.

Gyote-Institut, Farg‘ona viloyati Pedagogik Mahorat markazi va Gyote-Institutining O‘zbekistondagi hamkori Berlin Zentrum SLZ-Andijan hamkorligida tashkil etilgan seminar-treningning offline bosqichi muvaffaqiyatli bo‘lib o‘tdi.

Trening Farg‘onadagi nemis tili o‘qituvchilari uchun tashkil etilib, ularning til-pedagogik salohiyatini oshirish, imtihonlarga tayyorlash va zamonaviy metodikalarni amaliyotda qo‘llashga qaratildi.

Mashg‘ulotlar davomida ishtirokchilar bilim darajalariga qarab guruhlarga ajratildi, darslar esa amaliy, interaktiv va tajriba almashishga boy tarzda olib borildi.

Mashg‘ulotlar tajribali multiplikatorlar — Gyote-Institut vakili Farida Gabdulkhakova hamda Berlin Zentrum rahbari Mavjuda Abduraimova ishtirokida olib borildi. Ular ishtirokchilarga o‘z bilim va tajribalari bilan ilhom bag‘ishladilar.

Qadrli markazimiz tinglovchilari,

Sizlar uchun Germaniyaning Papenburg firmasida kasbiy ta‘lim olib kelgan bir guruh o‘quvchilarimiz bilan „Erlebnisse von Azubis“ nomli uchrashuv tashkil qilindi. O‘quvchilarimiz kasbiy ta’lim doirasida Germaniya, xususan, Papenburg firmasi bilan bog‘liq kechinmalari bilan o‘rtoqlashdilar. Albatta, uchrashuv davomida ular o‘zlarini qiziqtirgan barcha savollarga javob olish imkoniga ega bo‘lishdi.

Assalomu alaykum,

Iyul oyida Berlin Zentrum’ning Izboskan tumani, Poytug‘ shahridagi filialida A1.1 bosqichidagi nemis tili kurslariga start beramiz.

Boshlanish sanasi: 14-iyul, 2025-yil

Dars kunlari: dushanba, chorshanba, juma

Dars vaqti: 11:00 – 14:30

Hali bir nechta bo‘sh joylar mavjud. Kurs haqida ma’lumot olish va ro‘yxatdan o‘tish uchun ushbu raqam orqali murojaat qilishingiz mumkin:

Telefon: +998 (55) 500 00 73

Berlin Zentrum o‘quv markazi uchun yana bir faxrli lahza. Markazimizning iqtidorli o‘quvchisi va faol hodimasi Rayyona Ibrokhimova davlatimiz rahbari tomonidan "Kelajak bunyodkori" medali bilan taqdirlandi. Bu nafaqat Rayyona uchun, balki butun jamoamiz uchun katta yutuqdir.

Uning ilmga, jamiyatga va yoshlarga bo‘lgan sadoqati ushbu mukofot orqali munosib e’tirof etildi. Shu munosabat bilan markaz rahbari u bilan samimiy podkast suhbatini tashkil etdi. Suhbat davomida Rayyona o‘z hayoti, orzulari va bu yutuq sari qanday mehnat bilan intilgani haqida ilhomli fikrlarini bo‘lishdi.

Ushbu podkast orqali siz Rayyonaning ichki dunyosi, maqsadlari va yurtga xizmat qilish yo‘lida qilayotgan sa’y-harakatlari bilan yaqindan tanishasiz.

Batafsil BERLIN ZENTRUM YouTube kanalida ko‘rishingiz mumkin.

Bugun bo‘lib o‘tgan Treffpunkt munozara darsidan lavhalar.

Jarayon davomida fikrlarini erkin bayon eta olishi va og‘zaki nutq ravonligi bilan Gulrukh Abdullaeva g‘olib bo‘ldi va Berlin Zentrumdan esdalik sovg‘alarni yutib oldi.

???? Keyingi Treffpunktda qaysi mavzuda bahslashishni xohlar edingiz?